PI SONTE, DEHU NGA LUMTURIA

Pi sonte, dehu nga lumturia
Dashuri t’u bëftë kupë e zjarrtë
Bota, le të digjet nga kërshëria
Kureshtjen e saj djalli e marrtë

Sonte, lëri cicat të fryhen në dëshirë,
Flakë u bëftë karajfil i artë
Në ëndërrofsh një pirat (më mirë)
dhe botën, djalli e marrtë…

Pi sonte, dehu pa frikë
dhe kalëro një çmdënuri të pa logjiktë
Flaka që pushton një shpirt,
Shuhet kur e penetrojnë perënditë

Sonte, të paktën sonte digje ëndrrën,
dhe mos e lër të zverdhet në mall
Por që vetes mos t’ia dëgjosh këngën,
botën lëre pas krahëve, që vaftë në djall

Pi, dehu si e marrë në lumturi
Zjarri i shpirtit, po s’u shuajt, të plak
Kjo ëndërr, edhe në se s’quhet dashuri,
djalli e marrtë, por jetën ta zgjat…

PA TY!

 

PA TY!

 

Pa ty, asnjë ditë s'nis me Diell,

asnjë zgjim nuk agon me dritë!

Lotët nuk shihen në mëngjes,

fshihen thellë në shpirt...

 

Pa ty, asnjë ditë pa ty s'nis e bukur,

ngjan me një muzikë të stonuar.

Madje edhe shpirti rri i strukur,

në ngrohtësinë e zgjimit të vonuar...

 

Pa ty, asnjë ditë pa ty s'nis si dikur,

flokët mbi gjoks, thjeshtë një kujtim.

Aroma e epshit mbi lëkurë,

zvarritet gati në harrim...

 

Asnjë ditë s'është si atëherë,

kur me mall zgjoheshim të dy!

Agimi në Londër gdhin pa Diell,

ndoshta sepse jam vetëm, pa ty!

 

Ditet jane pa Diell çmendurisht,

si një mallkim që mardh çdo shpirt.

Nisin në muzg dhe ngrysin verbërisht,

me dënimin që dritën duhet me prit!

 

Dhe pritja të lodh, të plak,

të sëmur, të mpak...

 

©Ardi Omeri

TË BEKUARAT JARANE

 

TË BEKUARAT JARANE

 

Mbi rënkime, epsh' e jargë,

jetova mëkatin mbrëmë...

Këndova dhe shkova larg,

derisa më drobiti ajo këngë...

 

Nën përkëdhelje fjeta,

e si ninullë, e njejta këngë!

S'ish ëndërr, ndaj veten preka,

në isha un' a tjetër mbrëmë...

 

Përsëri një tango me cigane,

i kërcej me shpirt k'to melodi!

Por s'kuptova:- Të bekuarat jarane,

kanë gjak të kuq a të zi...?

 

Kërceva në epshe e rënkime,

me një cigane përsëri.

E kotë të fshihem në përbetime, 

por, o Zot, mbama shpirtin e ri...

 

Në mos m'falsh tjetër,

të paktën dyzet ditë mbarësi!

 

©Ardi Omeri