EJA KAFSHOMË PËRSËRI

EJA KAFSHOMË PËRSËRI

Tek më kafshoje buzët
dhe më ndukje në gushë e kraharor
Unë ankohesha me përkëdheli
dhe të shtyja me dorë...

Tani që s’mundesh më si më parë,
për ato kafshime e ndukje kam mall

Më mungjojnë ato dhimbje gjithsesi,
Ndaj eja, eja kafshomë përsëri

Ardi OMERI

SHQIPËRIA IME

SHQIPËRIA IME

Ku Drin’ i zi bëhet më i bardhë

Deshta me ja gjujt synin Zotit

Por një dashni e vjetër m’ka ndalë,

Kosova, kjo ëndërr prej mot’-motit…

Sot ja pashë sy zemrën e ja ndjeva erën Sot,

shkela një pjesë të tokës arbnore

Por s’derdha lot malli kur kalova pragderën

E njerës kokë, të Shqipes dykrenore

Dikur kufinjtë na i kish vënë shkjau

Ai qen mosmirnjohës që i dhamë Diell Ai,

Europa, otomanët,në copa na ndau

Që kurrë t’mos kishte më shqipe në qiell

Po sot pse, pse sot kemi kufi, aty ku bëhet i bardhë edhe Drini i zi?!

©Ardi OMERI

NË MES TË QIELLIT DHE TOKËS

NË MES TË QIELLIT DHE TOKËS

Buzëmbrëmja shtriqej për tu zgjuar,

teksa Dielli çapitej në perëndim...

Qielli plot me re ishte shkruar,,

dhe Hëna me yjet përgatisnin sinfoninë

Pa shkrepëtima kjo sinfoni,

që djajtë e nostalgjisë zgjoi plot trishtim

Pikat e shiut rendën si fantazma,

dhe lagën, qullën shpirtin tim...

Buzëmbrëmja i la vendin natës,

Natës së errët me Hënë të fshehur

Si dashuria, që dhimbjen ka për matës,

mes dritës dhe errësirës dehur...,

©Ardi OMERI

Angli

Maj 2014

ACAR...

ACAR...

Debora si mendafsh

veshi floren anembane...

Era e forte,acar,

e ngriu, e beri kristal...

U ngrine te gjorat lule

ne celje...

U ngrys per pak Diell

i gjori petal...

Une s'jam Balzaku!

UNË S'JAM BALZAKU!

Unë s'jam Balzaku miku im,

por kam disa gjëra si ai.

Të dy kemi dashuruar kurva,

të dy kemi vuajtur për dashuri.

Unë s'jam Balzaku miku im,

por e kam lexuar qëkur isha fëmi.

Të dy kemi humbur nga iluzionet,

të dy jemi zhgënjyer në dashuri.

Unë vërtetë s'jam Balzaku,

por ndjej që po bëj jetën e tij.

Unë vdes dhe rilind, o Tim durrsaku,

rilind si fenix për dashuri.

©Ardi OMERI

Dedikuar Kujtim Turkeshit

Ardi Omeri x Kujtim Timi Turkeshi

Imazhet e paftyra!

Imazhet e paftyra!

Nuk do te bjere me shi
Dielli i dogji rete e qullta...
Folen te trembur para Zotit,
"Ato ne fron dhe ato te ulta..."

U shkermoq keshtjella prej rere,
Ra nen kembe gati pa zhurme.
Ngrimca rere dhe loti mbetur mbi trup,
qe ndoshta as koha s'mund ti zhduke...

U dogj nje imazh prej letre,
Dogji vetevehten ne genjeshtra pa fund...
Ne peshperitje te fshehta si nje flete gazete,
apo si nje birre e vjeter e pire me fund...

Imazhet jane te pafytyra,
Kur i prek shpesh i del dhe boja!
Imazhet jane krijesa reklamash,
Eshte pune dreqi kur i vjen dhe goja...

©Ardi OMERI

Ç’RËNDËSI KA ORA?

Ç’RËNDËSI KA ORA?

Ç’rëndësi ka ora,
kur akrepat kanë ndaluar?
Orët e natës njeriu nuk i ndjen
Janë orë dashurie, për ata që rrinë zgjuar
Orë ëndrrash, për ata që flenë.

Ç’na duhet ora, muaji, viti,
kur koha pa mëshirë na merr me vehte
Kur na mungon ritmi,
ç’na duhet kjo dreq jete!?

Ne duhet të jetojmë,
të jetojmë me ritmin e shpirtrave tanë
Ne duhet të guxojmë,
të ikim larg,
larg atyre që shpirt nuk kanë

Jeta është një çast, një moment,
të atyre që vijnë, e atij që ikën e më s’vjen…
Jeta është shuma e të gjitha çasteve bashkë.
Dhe në s’ke jetuar atë që ndjen,
Jeta jote asgjë nuk vlen.

©Ardi OMERI

Sofra,- emision Tv nga Ardi OMERI