Lundra e lundruesja...

Ti me një këmbë atje,
ku kaherë ke që je,
Sot një këmbë këtu,
ku do, dhe dëshirë ke...!

Ti në detin dhe tokën që deshe dikur,
një spirancë sigurie ke hedhur!
Sot, pasi lundrove e të lundruan,
toka të reja kërkon për koleksionin tënd të zgjedhur...

Ti mike e bukur, por pak në tru e mplakur,
që rrudhat natyrale fsheh me keq’ardhje!
Nuk di pse më sot dukesh nga jeta e rrahur
Të shoh si një anije në ikje, jo në ardhje...

Bukuria e një femre është kudo,
Në fytyrë, në buzëqeshje, në trup,
por sinqerisht më beso,-
Është më shumë në mëndje

Është ajo që pushton, ajo që tundon,
të mos shohësh rrudhat e moshës...
Ajo bën të harrosh ku realisht ti ke këmbën
Tek sheh buzëqeshjen në trurin joshës...