ATËHERË DO TË JETË VONË

Gjumi më doli në mesnatë, s'di përse!?
Mbase nga ndonjë ëndërr e gjatë!
 Nuk di ku, nuk di si, s’di përse!
 Nuk di ç'bëja futur me dhunë gjumi atje...

Në sy një imazh më rrinte ngrehur,
siluetë e këndshme, hije emocioni, por...
Një imazh me flokë të pa krehur...

 &
Do të zgjohesh prej këtij gjumi,
që e shohin të gjithë veç teje...
Do të zgjohesh pak me vonesë,
dhe siç e sheh, do të zgjohesh pas meje...

Do të zgjohesh dhe ti,
nuk di në ç'kohë apo në ç'orë!
Do të zgjohesh nga letargjia gërhitëse,
dhe e çuditur do të prekësh veten me dorë!

Atëherë do të kërkosh në kujtesën tënde,
 në se errësira të ka ruajtur ndonjë të bukur gjë...
Do të kërkosh të kapësh çfarë humbe në gjumë,
dhe do të mbesësh tretur në boshllëkun që asgjëja lë...

 Do të kërkosh imazhin që të kthen kujtesa e bukur
Do ta duash për netë dimri e vetmie pa zjarr...
Por nga gjumi duhej të zgjoheshe pak më herët!
Zgjuar nga gjumi im kohë më parë, Unë ikur jam...

 ©Ardi OMERI